Гурванбулаг сумаас 2025 оны 1 дүгээр ээлжийн цэрэг татлагад тэнцсэн залуус 04 дүгээр сарын 29-ны өдөр албандаа мордлоо. Монгол Улсын Үндсэн хуульд заасан үүргээ биелүүлэхээр хугацаат цэргийн албан мордож буй залуусдаа албаа нэр төртэй хааж эцэг, эх, нутаг усныхаа нэрийг өндөрт өргөж явахыг ерөөе.

Тус зөвлөгөөнд Гурванбулаг сумын ИТХ-ын дарга А.Эрдэнэбулган, сумын Засаг дарга Б.Дэлгэр болон ЗДТГ-ын холбогдох албан хаагчид оролцож байна. Мөн "Хойд бүсийн хоршоологчдын зөвлөгөөн"-д сумаа төлөөлөн Ц.Цэрэнбаатар захиралтай "Шашир улаан хоршоо" сүү, цагаан идээгээр мөн сумын брэнд бүтээгдэхүүнүүдээр тус арга хэмжээнд оролцож байна.

СУМЫН ЗАСАГ ДАРГЫН ДЭРГЭДЭХ УДИРДЛАГЫН БАГ 2025 ОНЫ 04 ДҮГЭЭР САРЫН 23-НЫ ӨДӨР ӨРГӨТГӨСӨН БҮРЭЛДЭХҮҮНЭЭР ХУРАЛДАЖ ДАРААХ АСУУДЛУУДЫГ ХЭЛЭЛЦЛЭЭ. Үүнд: 1.Гамшгаас хамгаалах бэлэн байдлын төлөвлөгөө батлах тухай 2.Сумын Засаг даргын "Булганы сэргэлт-Гурванбулагийн хөгжил" үйл ажиллагааны хөтөлбөрийн төлөвлөгөөг батлах тухай 3.Сумын Засаг даргын нөөц хөрөнгийн зарцуулах хуваарь батлах тухай 4.Иргэд, төрийн албан хаагчид, ерөнхий боловсролын сургуулийн ахлах ангийн сурагчдын дунд зохион байгуулах “Амьд хөгжим” арга хэмжээний төлөвлөгөө батлах тухай 5.Иргэд, төрийн албан хаагчид, ерөнхий боловсролын сургуулийн ахлах ангийн сурагчдын дунд зохион байгуулах “Угийн бичиг” арга хэмжээний төлөвлөгөө батлах тухай 6.Хаврын мод тариалалтын нээлтийн үйл ажиллагааны тухай хэлэлцэж холбогдох албан тушаалтнуудад үүрэг чиглэл өглөө.

ЦАГ АГААРЫН СЭРЭМЖЛҮҮЛЭГ МЭДЭЭ!!! Цаг агаарын байдал одоогоор тогтуун байгаа боловч үдээс хойш салхины хүч нэмэгдэж, хүйтний эрч чангарч агаарын температур эрс өөрчлөгдөхийг анхааруулж байна. Иймд -Цаг агаарын мэдээ, мэдээллийг цаг тухай бүр сонсон, мэргэжлийн байгууллагаас өгч буй сэрэмжлүүлэг, анхааруулгыг дагах; -Онцын шаардлагагүй бол хол, ойрын замд гарахгүй байх -Тээврийн хэрэгслийн жолооч нар хол, ойрын замд гарах тохиолдолд тээврийн хэрэгслийн найдвартай байдлыг хангаж бензин, шатахууны нөөцтэй, дулаан хувцастай зорчих, баталгаагүй зам, гүүр, гарамгүй газраар зорчихгүй байх; -Ил задгай үнс, нурам асгахгүй байж галын эрсдэлээс урьдчилан сэргийлэх -Иргэд, малчид салхи шуурганд төөрөх, малтайгаа уруудах эрсдэлээс урьдчилан сэргийлж, малаа ойрын бэлчээрт хариулах, бага насны хүүхдийг малд явуулахгүй байхыг онцгойлон анхааруулж байна.

Булган аймгийн Гурванбулаг сумын Онцгой комисс 2025 оны 03 дугаар сарын 21-ний өдөр дараах 7 асуудлын талаар хэлэлцэж холбогдох хүмүүст үүрэг чиглэл өгч ажиллаа. Үүнд: 1. Гал түймрийн аюулаас урьдчилан сэргийлэх мэдээлэл хүргэх тухай 2. Гамшгаас хамгаалах бэлэн байдлын үзлэг зохион байгуулах тухай 3. Газар хөдлөлтийн дадлага сургуулилт зохион байгуулах тухай 4. Ерөнхий зориулалтын мэргэжлийн ангийн дүрмийн өөрчлөлтийн тухай 5. Сумын Онцгой комиссын гишүүдийг үүрэгжүүлэх тухай 6. Мал эмнэлгийн Улсын бэлэн байдлыг үзлэг зохион байгуулах талаар 7. Улаан бурхан өвчний тархалтаас урьдчилан сэргийлэх арга хэмжээний тухай

“Хүлэмж- хүнс” төслийн хүрээнд 4х8 хэмжээтэй 2,475,000 /хоёр сая дөрвөн зуун далан таван мянга/-н төгрөгийн үнэ бүхий хүлэмжийг эргэн төлөгдөх нөхцөлтэйгөөр сумдад хуваарилахтай холбоотой хүлэмж авах хүсэлтэй иргэд 2025 оны 03 дугаар сарын 27-ны дотор хүсэлтээ Хулст багийн Засаг дарга Д.Цэндэд бичгээр ирүүлнэ үү. Холбоо барих утас: 88056346

Булган аймгийн Засаг даргын 2024 оны 11 дүгээр сарын 27-ны өдрийн Б/107 дугаар захирамжаар Гурванбулаг сумын Засаг даргаар Батбаярын Дэлгэр томилогдлоо. Таны цаашдын ажилд өндөр амжилт хүсье.

"СЛЕСАРЬ, ЖИЖҮҮР"-ийн ажлын байранд ажилтан шалгаруулж авах зар.

ХОРШООГ ХӨГЖҮҮЛЭХ САНГААС ХӨНГӨЛӨЛТТЭЙ ЗЭЭЛ ОЛГОЛОО

ТЕНДЕРИЙН УРИЛГА